Mir sinn die Usswärtige – s erscht integratyyve Fasnachtsgrüppli.

E integratyyvs Fasnachtsgrüppli? Was isch denn daas fir e Bleedsinn? E neye subventionierte Furz vo unserer Regierig?

Ganz im Gegedail! Mir sinn e Zämmeschluss vo Friinde und Fasnachtsliebhaaber, wo gmainsam aggtyyv Fasnacht mache. Fir die drey scheenschte Dääg kemme mir jewiils an unserem Häärzensort zämme. Zwor nid glassisch zämmegsetzt, aber ainewäg mit voller Liideschaft drby und Dail vo de gläbte Fasnachtsdraadiizione.

Du bisch nimm in dr Region oder urspringlig vo noime andersch? Du kasch kai Inschtrumänt schpiile und au (noni) intrigiere? Du hesch no nie aggtyyv mitgmacht oder kasch di nid langfrischtig ineme Verein vrpflichte?

Au du kasch Dail vo de Basler Fasnacht syy!

Bi uns kasch e Daagesmitgliidschaft fir d Fasnacht leese und aifach mol yyneluege! Du kasch aber naddyyrli au e feschts Mitgliid vo de Usswärtige wärde. Mäld di aifach bin ys!

Mir freye nys vo dir z gheere oder dich an dr näggschte Fasnacht am Schtrooserand z gsee.

Die Usswärtige sinn:
Corinne, Gälterkinde
Hannes, Gälterkinde
Harry, New Jersey
Jens, Wetzike
Kaja, New Jersey
Leo, Fiirthaale
Martin, Muttenz
Pipi, Wiirelos
Raffi, Ramlinsburg
Thierry, Meile